ქარმა ღრუბლები წვიმად დაწურა,
ცამ შეიფერა მუქი ფერები,
ღმერთი მამზადებს სიკვდილისათვის
და უკუნეთში მივესვენები.

მინდა სიცოცხლე სიკვდილზე მეტად,
გაუკვდავება ვიცი რომ დამღლის,
ჯერ ბევრი დამრჩა ლექსი საწერი,
ხალხი ოდესმე პოეტად ჩამთვლის.

შემინდობ ღმერთო ჩემს მკრეხელობას?!
სიტყვებს დარდისთვის რომ გაგიმხილე,
ან თუ შემინდობ ცოდვების დასტას
აღსარებისთვის რომ ჩავიდინე.

სიცოცხლევ გეტრფი, მწყურიხარ ახლა,
მხოლოდ შენ გეტრფი, შენ ერთადერთო,
და მაინც სიკვდილს თუ გაიმეტებ,
ცოდვები მაინც შემინდე ღმერთო.