დანარცხებული ფოთლები -  მიწას,

წვიმის წვეთები - სახურავებს,

ფანჯრის მინებს და ქვაფენილებს...

გავცქერი შორეთს და ვეძებ

ჩემი ბავშვობის მიამიტ წლებს -

ვინ იცის საით გაფრენილებს...

...გადაღლილები... კენწეროები

შიშველ ჭადრების...

და გახსენება იმ გადავლილი მასკარადების...

მე მტკივა, როცა წარსულზე ვფიქრობ...

მე დაღლილი ვარ ამ ტკივილებით...

გადაჩვეული გული - თოჯინებს,

ყური - ლამაზ და უჩვეულოდ უცნაურ ზღაპრებს...

ახლა წვიმაა და მალე გადაიღებს...

ახლა ის ლამაზი სიზმარი უნდა ახდეს...

დანარცხებული ფოთლები მიწას,

წვიმის წვეთები - სახურავებს,

ფანჯრის მინებს და ქვაფენილებს...

ყველა მოგონებას ბავშვივით ვეფერები...

ბავშვობის მიამიტ წლებს -

აწმყოთი დამეწყრილებს...