საწერეთლოში, ზემო იმერეთში, ბევრი კარგი სოფელია და მათ  რიცხვში ურევია სავანეც.
                                                                                                                                                  ა კ ა კ ი

ჩემი სავანე, ჩემი ფესვები,
რაღაც სხვაგვარად
იწყებს გული ფეთქვას
იმ თავდაღმართზე
როცა ვეშვები.
ჩემი სავანე, ჩემი ფესვები,
მის ყოველ მტკაველს
და გოჯს მიწისას
აკანკალებით ვეალერსები.
ჩემი სავანე, ჩემი ფესვები,
აქ სიყვარულზე თქმული ლექსები,
მოგონებები, მოგონებები,
სულ ერთმანეთზე უკეთესები.
ჩემი სავანე, ჩემი ფესვები
გულში ვიხუტებ და ვეალერსები.