-----------------------
როცა დათვრები სუყველა გიყვარს
და როცა შემდეგ გამოფხიზლდები,
შენი თავი გეზიზღება ამ სიყვარულისთვის...

--------------------------
ბრწყინვალეა რაც შორია,
ახლოს მიხვალ,_გახუნდების.

ძმები
---------
ძმასთან სასტიკად ნაჩხუბი კაცი,
რომელიც ჯავრის მოსაკლავად არაყით დათვრა,
ხეებს ძმასავით ეხუტებოდა...

სიკვდილ-სიცოცხლე
----------------------------
ვფიქრობ პეპელად სიკვდილი მიჯობს
ყვავად სიცოცხლეს...

სიკვდილი დაუბადებლად
----------------------------------
დაბადებულმა დაასრულა სიცოცხლე ისე,
რომ თითქოს არცკი დაბადებულა...

---------------------------------------------
ცხოველზე უფრო ცხოველია ადამიანი,
თუ გამოვრიცხავთ მასში ინტელექტს...


------------------------------------
ყიდვით ვერ იყიდი მეგობარს,
თუმცა გაყიდვით გაყიდი.