გაზაფხული

აჩქარებული პულსით,
სარკიდან
მიღიმის ქალი.
არეულია,
უფრო მეტად,
ვიდრეა მარტი.
. . .
პირველი პაემანი.

_

ზაფხული

მინდვრად
თამამად დაჭრიჭინობს
ჭრიჭინობელა
და გამოგონილ ათას იგავს,
უყვება ღამით
ათიათასებს.
...
,,მე და შენ" ბევრად რეალურია.

_

შემოდგომა

სველ ნოემბერში,
ხეებს უჭირთ ტანზე გახდა და
ქარი აშიშვლებთ.
...
ჩვენ ფოთლებივით გვცვივა გრძნობები.

_

ზამთარი

იანვარია.
მიწას თოვლი საბნად გასწვდა,
მე-სიმარტოვე.
...
აქ უფრო ცივა...