მწიფე ასფალტი!
დაორთქლილი კენჭებით სავსე -
ბაცი ფერებით გათანგული უსასრულობა
მოირგებს „წითელს“
„სცენარის ჟანრი - იდენტურად არის სატირა“

უცხო გმირები...
რეჟისორი არ სცნობს „ჩარჩოებს“
სცენაზე მტვერი ორპირი და უფრო დამყოლი!
მთავარი როლი დღეს მოირგო -
სულ ახალბედამ.

და სარეცელი -
ცოდვის კერპად ქმნილა ანშლაგი...
სცენაზე „წითელს“ შეაყოვნებს
სირენას გლოვა...
ანტრაქტზე ვიღაც შემოავლებს სცენას
ცრემლის ზოლს -
და...
„ახალბედა მსახიობმა“ სულ პირველ როლში
უკანასკნელად ითამაშა - ჟანრი „სატირა“

- - -
ტირილი...
ექო...
ქარი ხარბად შთანთქავდა ჟანგბადს!
მშრალი ჰაერით გაგუდული - მერყევი ზეცა
„ა მ ო ი ს უ ნ თ ქ ე ბ ს“

- - -
ცრემლების წვიმა!
ქარი ფოთლებს უხვევს ჭრილობებს!
ლამპიონები მიყუჩებით...
ფარდა - უ ტ ა შ ო დ!
(რეჟისორი კი - მიმიკებით კარნახობს სალამს!)

- - -
სადღაც იმედი...
სამფეროვანი ცისარტყელა -
ზეცამ სცენაზე - ახალბედა გმირს ჯვრად გადასახა...