ცივი აღმართი -
ვეღარ ითრევს უღმერთო გმინვას!
ჭადრის ხეებზე შეპარული ბუდეც გამხმარა
და მტვერი კვდება...
დაილია თითქოს სიცოცხლე!
მუხის ხეები ვერ ირჩენენ ცხელ ნაჭრილობებს -
და...
ბუმბერაზი წააქცია „სულის ტკივილმა“
- - -
რა წარმტაცია -
და რა რიგად ფეთქავს ეშმაკი?!
სულისშემძვრელი ნოვაცია იღვივებს (სადღაც)!
ნაცრისფერ ზოლში,
სადაც -
გახმა ზეთისხილის რტო
და...
ეკლის გვირგვინს ირგებს ახლა -
„გაუცხოება ჭ ე შ მ ა რ ი ტ ე ბ ი ს“
- - -
იღვიძებს თითქოს
„ხორცმა“ „სული“ ისე დაჩაგრა
სულიერებას ტკივილისგან უშრება ცრემლი
და...
საბოლოოდ განიზრახეს „დასამარება“ –
როგორც ზამთარში -
„დიდთოვლობას გაურბის კაცი
ნიჩბებით თელავს!
და აგინებს უამინდობას“
- - -
მარცხენა ფლანგი!
იდენტურად ირღვევა კიბე -
კიბე, რომელიც ვერ აზიდა „უღვთო გალობამ“
და...
სისხლში ცურავს ცოდვის კერპი
სარკომა!
კიბო!
მეტასტაზებმა გაარღვია ყველა ჯებირი...
- - -
ცივი დღე იდგა!
ლოცვა ახლა ისმოდა შორით
უხმო გოდება -
და…
წარსული აჩნდება ლაქად.

დ ა ა გ ვ ი ა ნ ა!
„ეშმაკისგან გ ა უ ც ხ ო ე ბ ა“