რომც  ეცადო ვერ გაიგებ
რა იყო და რა არა,
რა ხანია უკვე ფიქრმა
და ეჭვებმა დამღალა.
მაგრამ ჯერაც ვერ გავიგე,
რა იყო და რა არა.
გულმა დიდხანს ოცნებები
მოწიწებით ატარა,
მერე უცებ გადიყარა
და ერთბაშად გაყარა.
ვერ გაიგებ, კაცი, მართლაც
რა იყო და რა არა.
იყო დიდი გატაცება თუ
გონება აქაც ცდება?
ვერ გავიგე რა იყო და
ვერ ვგებულობ დღეს რაც ხდება.
ვერ გაიგებ რომც ეცადო
რა არ იყო, იყო რა.
დაიწყება კვლავ ზღაპარი
იყო არა, იყო რა. . .