დავიგვიანე უკვე ივნისთან,
ჩამიჭკნა ხელში ვარდი...
დავიგვიანე, ალბად იმიტომ
ჩემს თავს არასდროს ვგავდი....
დავიგვიანე იმ სიმღერებით
ივნისს რომ უნდა მეთქვა
ალბად ამიტომ გაუფერულდა
ვარდების ფურცლის ფეთქვა...
დავიგვიანე...როგორც ყოველთვის
ჩემს თავს არც ახლა ვგავარ
რადგან ცრემლები მინდა ვიტირო,
უშნო ღიმილი კმარა!
მაგრამ ამ ღიმილს რომ ვეღარ ვიშლი?
არადა დაჭკნა ვარდი...
ალბად უცრემლო თვალებით მიტომ
ჩემს თავს არასდროს ვგავდი...