მსგავსი ლექსების უსაშველოდ ატანა არ მაქვს,
დავაი ყველა თავფურცელი ნიკის მივანდოთ,
წამო ჩემთან და შეშლილების გასაფანტავად,
თუნდ კაკ მინიმუმ სიგიჟეზე ვიპლაგიატოთ.

ვიპლაგიატოთ როგორ სკდება დანტე შურისგან,
ჰეი ბაირონ, ჰეი რემბო, ჰეი გოეთე,
იცით მე ახლაც სახელს სახელს ისევ ვურითმავ,
და ეს რითმებიც შეშურდებათ ვითომპოეტებს.

ვიპლაგიატოთ უმიგნებოდ, უშნოდ, ურითმოდ,
თორემ დრო ცდილობს სტრიქონები თავად მიაგდოს,
ვიპლაგიატოთ მაგრამ წამო ისეც ნუ ვიზამთ,
რომ არაფერი აღარ დარჩეს საპლაგიატო.