-იაფფასიანი მუსიკა გაძვირდა.მგონი,ყველაფერი იმაზე უფრო ცუდადაა,ვიდრე მეგონა,-ვისკი მოწრუპა,ნაწნავები მხრებს უკან გადაიყარა და ბიჭს თვალი თვალში გაუყარა.''ზედმეტად მახინჯია''-ფიქრად გაკრთა გოგოს გონება,ვისკი კბილებში გამოივლო და ახლა კიდევ უფრო განაბა სხეული სიამოვნების ცხელმა ტალღამ.
''you know the day destroys the night''-მორისონის ხმით გაივსო ცარიელი ჭიქები.ხალხი ვისკის მიაწყდა.ცარიელი ბოთლების რაოდენობა მუსიკალური ბგერების რიცხვს გაეჯიბრა.ბარს ცხელი როკენროლის სუნი აუვიდა.გოგო გახურებული ხალხის შუაგულში მოექცა და თავდავიწყებამდე მისული ცეკვით გაანიავა სხეული.ცხელი სუნთქვა ყოველი მხრიდან დაიძრა და შიშველ კანზე მოაწყდა.მწველი ხელების შეხებამ საბოლოოდ გააგიჟა და მთელი სხეული ექსტაზში ჩაითრია.აწითლებული კანის ნაგლეჯები გაფართოვდა.ნაჭრის გაფხრეწილმა კივილმა ააკვნესა ბარი.ნაფლეთებად ქცეული მაისური ხალხის თვალებს მიაწყდა...hello,hello...გამაყრუებელი კივილით სისხლს ადუღებდა მორისონი და გათიშული გონების მიღმა შიშველი გოგო საკუთარ სულს ეცეკვებოდა.ჩათრეულ ტალღად კი თან სდევდა ხალხის ვნებიანი ღმუილი და ნაკაწრების ტკივილი.
-ააა-აღმოხდა სხეულს და სისხლად წამოვიდა ვისკი.ვიღაცამ ხელში აიტაცა.ვიღაც გაგლეჯილ ხორცზე ცხვირსახოცით აეფარა და ელვის სისწრაფით დატრიალდა ბარი.კარუსელივით ჩამოუარეს თეთრებს,შავებს და კიდევ მორისონს.ჰაერზე გამოიტანეს გათიშული სხეული;ვისკის დიდ ბოთლში ჩააგდეს,სულ გალუმპეს,პირში ბოთლის თავსახური ჩასჩარეს და ჩაყლაპული ვისკი უკან გადმოასხმევინეს.დაიცალა სხეული,გაშრა სული და მრგვალად გადატრიალდა ცა.
-გემოვნებიანი მუსიკა ფასდაუდებელია,სიცოცხლედ ღირს-ბოთლის თავსახური მოისროლა ბიჭმა და გონს მოსულ გოგოს დაემშვიდობა.
''ნეტავ არ წავიდეს''-გაკრთა გოგოს მოსულიერებული ფიქრები და ყურს ბიჭის ნაბიჯევთან ერთად მხოლოდ pink floyd-ის მუსიკაღა მისწვდა:''you'd better run!''