Stella di mare –
ზღვის ვასკვლავი.
ცა უვარსკვლავო, -
შურით დაჰყურებს
ნიჟარებით მოკირწყლულ ნაპირს.
ნიავი ტალღას კაბის მაქმანს
თუკი წამოხდის,
მერე რა მოხდა!
საკურორტო რომანს აპირებს...

Danca Lambada...
მწველი ყავა,
მზერებიც მწველი...
მზე ცხრათვალება - ოქროს ტატუ
ქალაქს აქვს წელთან...
მზერა თუ მზერას, კალმახივით
მოიტანს ბადით,
ტკბები მარტივად,
თუ ვნებაა, დროებით სტატუსს

ვიღა დაეძებს...
ჩემოდანში მერე ზღვის სურნელს
ჭრელ კაბასთან და
ნიჟარების ასხმასთან კეცავ...
რომ ამოქარდეს
ზამთრის ცივ და უჟმურ საღამოს
მოგონებები,
შეგახსენოს სურნელი კოცნის

მალვით გაცემულს,
მთვარესაც კი რომ უმალავდი
და სველ ქვიშაზე
დარჩენილი თხელი პარეო...