დღეს მე შორს ვარ
აქ ცივა ძალიან შენ თბილისში დაგტოვე
მენატრები, შენი ხელები მენატრება შენი თვალები, შენი სურნელი
მენატრება შენი ხმა, შენი სიცილი, მენატრება როგორ გიყურებდი მძინარეს და მეღიმებოდა.
ეხლაც მეღვიძება ღამღამობით მეჩვენება რომ შენ მეძახი
წამოვხტები ლოგინიდან და მახსენდება რომ შენ აქ არ ხარ
ყოველი დილა იწყება ცრემლებით და მერე ზარით სახლში
შენ ყოველთვის ასწრებ ყველას ტელეფონთან და პირველი მპასუხობ
იცი რომ დილით ყოველთვის მე ვრეკავ
ტელეფონის ყურმილს ვიკრავ ლოყაზე და ვცდილობ შენი სითბო შევიგრძნო სიშორის მიუხედავად
შენ მელაპარაკები მიყვები ყველაფერს და მეუბნები რომ მომენატრე
მერე უკვე ცრემლები თავისით პოულობენ გზას ჩემ ლოყებზე
ქუჩაში აბნეული დავდივარ
ყველა ცისფერთვალება ბიჭი შენ მგონიხარ
შენი ქერა კულილები მენატრება საოცრად
წამოსვლის წინ ერთიცალი შენივე ხელით რომ მოიჭერი და მუჭში ჩამიტენე
დავდივარ ცივ ბერლინში და ხელებს შენი თმის კულული მითბობს მუდამ ჯიბეში რომ მიდევს
რამდენჯერ მომენატრები ამოვიღებ და შენ სურათებთან ერთად მას ვეფერები
მე აქ ბევრი საქმე მაქვს
უნივერსიტეტში თემები რომ მოგვცეს დასამუშავებლად
ვწერ და სულშენზე მეფიქრება ჩემო ბიჭო რომ იცოდე როგორ მომენატრე
ერთი სული მაქვს როდის მოვა საშობაო არდადაგები რომ თბილისში ჩამოვიდე
ერთ ადრიან დილას კარი შემოვაღო სახლის ჩუმად მოვიპარო შენ საწოლთანდ
და მძინარეს გაკოცო
მინდა ისევ ისე გაგაღვიძო კოცნით როგორც ადრე გაღვიძებდი
მერე შენც გაგეღვიძება და შენ ლამაზ თვალებს შემომანათებ და გახარებული იყვირებ
\"დედიკო ჩამოვიდაო\"
მენატრები ჩემო ბიჭო დავდივარ ამხელა ქალაქში არეული შენზე ფიქრებისგან და შენი თმის ქერა კულული მიმსუბუქებს ამ მძიმე ცხოვრებას ბერლინში...