მე მინდა ღამით მარტო დავრჩე ამ საფლავებთან,
ამ ღამით მინდა საუბარი ჩემნაირ მკვდრებთან,
მინდა ცოტახნით შავ მიწაში დავმალო სული,
თეთრი ვარდები დავიყარო გაყიდულ მკერდთან.
მინდა საჯიჯგნად გადავუგდო სხეული ძაღლებს,
გავესაუბრო ჩემივე მსგავს ცოდვიან სულებს,
მერე ფურცლებზე გადმოვწერო სინდისის ქენჯნა,
აღსარება ვთქვა
ნაიარევი არ დამიწყლულდეს.
გადავაბრალო მინდა ვინმეს ჩემი სიტყვები...
სიცხიანივით ათრთოლებულს მერევა ბოდვა,
მინდა,რომ ახლა,ამ საფლავთან დავიდო ბინა
და სული მოვკლა,ისე როგორც მკვდარია ცოდვა.