შენი ფანჯრის წინ მდგარ ჭადარზე,
დეკემბრის ქარს მოუპარავს ყველა ფოთოლი.
დგახარ ბებიის ნამზითვარი მაგიდის ბოლოს
და ვისკის ჭიქას აპარებ მზერას.
შენ ახლა აზრად არ მოგივა, რომ შენს ფანჯრებში,
ორი დიდი, ჭორიკანა,მოლურჯო თვალი,
შენი და ვისკის ყურებით თბება.
სადღაც შორიდან  შენი ჭადრის
ხმელ ტოტებს ხერხავს ცივი თვალებით...
რომ დაინახო, რა აუტანლად მარტივია
ჭოგრიტით ხელში,შეგეზარება.

ასე და ასე...

ნუ დაჰკიდებ ფანჯრებზე ფარდებს-ერთი ქალისთვის.