ვაზიდან მიიღება ძვირფასი კვებითი პროდუქტები,როგორიცაა:_სუფრის ყურძენი,ქიშმიში,ყურძნის წვენი,ბადაგი,ღვინო და სხვა... მაგრამ მათ შორის წამყვანია ღვინო,მთელი რიგი დადებითი თვისებების გამო.
      იგი ბიოლოგიური სითხეა და წარმოადგენს ყურძნის წვენის დადუღების რთულ პროდუქტს.
მასში 10-ამდე სხ.სხ. სახის სპირტია,15-ამდე სიმჟავე და 25-ამდე ეთერი,ამათ გარდა ღვინო შეიცავს მღებავ ნივთიერებებს,ცილებს,ადვილად ასათვისებელ ორგანულ მჟავებს(ღვინის,ლიმონის,ქარვის და სხვა), ორგანულად ბმული ფოსფორი,აზოტოვანი შენაერთები(პროტეინები,ამინომჟავეები) პექტინები,რადიოაქტიური ემანაცია,შაქარი(სადესერტო და საშამპანიურე ღვინოებში) გლიცერინი და აგრეთვე მინერალური ნივთიერებები (კალიუმი,კალციუმი,მაგნიუმი,რკინა და სხვა)
              მთელ რიგ ქვეყნებში ღვინის წინააღმდეგ ილაშქრებდნენ და სთვლიდნენ მათრობელა და მავნე სასმელად და სურდათ ამ ძვირფასი პროდუქტის წარმოებაზე კაცობრიობას ხელი აეღო,ან მოითხოვდნენ მისი წარმოების შემცირებას. ანტიალკოჰოლურ ლიტერატურაში ზოგიერთები ღვინოს არაყთან აიგივებენ და უფრო მეტიც,მას თვლიან არაყზე უფრო მავნებლადაც. ამ მოსაზრების ავტორები ღვინის სმას თვლიან ალკოჰოლიზმად.
            უდავოა,რომ ალკოჰოლური სასმელების ბოროტად გამოყენება იწვევს ალკოჰოლიზმს,მაგრამ ალკოჰოლის საერთოდ აკრძალვა არ მოგვცემს დადებით შედეგებს. მთელი რიგი გამოკვლევების შედეგად დადგინდა რომ მცირე დოზით არაყიც კი არ არის მავნებელი ორგანიზმისთვის,მითუმეტეს რომ არაყსა და ღვინოს შორის საკმაოდ დიდი განსხვავებაა.მაშინ როცა არაყი არის უმთავრესად ეთილის სპირტისა და წყლის ნარევი,რომელშიც ურევია აგრეთვე უმაღლესი სპირტებიც,ხანდახან სხ.სხ. ესენციები და არომატიზატორები,ხოლო ნატურალური ღვინო შეიცავს მეტად სასარგებლო ნივთიერებებს,ის ადამიანის ორგანიზმზე მოქმედებს დადებითად და მიჩნეულია კარგ დიეტურ სასმელად.
        ღვინო ცოცხალი სხეულია,იგი იშობა,ღვინდება,მწიფდება,ძველდება და კვდება. სხ.სხ. ჯიშისა და სახის ღვინის სიცოცხლის ხანგრძლივობა სხ.სხ.ა
  ღვინო არის ყველაზე საღი,ჰიგიენური სასმელი. ჭამის დროს ღვინის ზომიერი მოხმარება ძალზე დადებითად მოქმედებს ადამიანის ორგანიზმზე,იგი აღძრავს მადას,აძლიერებს საჭმლის მონელებას,გულის მუშაობას და მთლიანად ნივთიერებათა ცვლას. ღვინო ფანტავს დაღლილობას და მატებს ენერგიას,იგი ზოგავს ორგანიზმში ცილებს და ნახშირწყლებს,ხელს უწყობს ცხიმების დაწვას.მასში შემავალი სპირტის ერთი გრამი გამოყოფს 7კ.კალორია სითბოს,რაც ორგანიზმში 95პროცენტით იწვის,5 % კი გამოდის გარეთ თირკმელების,ნაწლავების და სასუნთქი გზების საშუალებით.ღვინო აგრეთვე ანტიტოქსიკური და ბაქტეროციდული საშუალებაა,იგი სპობს მრავალ ტოქსინს,მასში იღუპებიან ისეთი პათოგენური მიკროორგანიზმები,როგორიცაა ნაწლავის ჩხირები,ხოლერის ვიბრინები, ასევე ტუბერკულიოზისა და ტიფის ბაქტერიები და უამრავი სხვა ბაქტერიებიც. ნებისმიერი წარმოშობის წყალი სრულიად უვნებელი ხდება,თუ მასში დავუმატებთ ერთ მესამედ წილ ღვინოს.
    მკვლევარების მიერ როგორც ყურძენში,ასევე ღვინოში აღმოჩენილია ცინგის საწინააღმდეგო ვიტამინი ც(ასკორბინმჟავა)ანტინერვული ვიტამინები ბ ჯგუფიდან,პ ჯგუფის ფლაბიფენური ნივთიერებანი,რომელსაც ღვინო შეიცავს კატეხინების ფორმით,აღადგენს რა სისხლძარღვების ელასტიურობას,ხელს უწყობს სისხლის უკეთ მიმოქცევას ორგანიზმში. პპ ვიტამინს,ანუ ნიკოტინმჟავას აქვს პელაგრიის საწინააღმდეგო თვისებები და ააქტიურებს ასკორბინმჟავას მოქმედებას. რაც შეეხება ვიტამინ პ-ს იგი გვხვდება მხოლოდდამხოლოდ კახური ტიპის ღვინოებში,ანუ კახური ტექნოლოგიით დამზადებულში,სხვა წესით დამზადებულში იგი ან სულმთლად არ არის,ან ძალიან უმნიშვნელო რაოდენობითაა. პპ ვიტამინი ხელს უშლის გიპერტონიის განვითარებას(სისხლძარღვების გაუხეშება და მტვრევა)
      ერთ ლიტრ ღვინოში ვიტამინების შემცველობა ასეთია:_ ვიტ.ც(ასკორბინმჟავა) 1-დან 10 მილიგრამამდე, ბ 1(თიამინი)8-დან 86 მლგ-მდე, ბ2(რიბოფლავინი)80-დან 450მლგ-მდე, პპ(ნიკოტინმჟავა)0,7-დან 2მლგ-მდე. ამათ გარდა კიდევ არის ა,დ,ე,ბ6 და ბ12 ვიტამინები.
  მასში არის ასევე ისეთი მიკროელემენტები,როგორიცაა:_მანგანუმი,რკინა,სპილენძი,თუთია,კობალტი,დარიშხანი,ბორი,ბრომი,ფლორი,იოდი და სხვა. რომლების ღეულობენ მონაწილეობას ნივთიერებათა ცვლაში,როგორც ჰორმონებისა და ფერმენტების გამააქტივებელი ბიოკატალიზატორები. ასევე ღვინოს გააჩნია რადიოაქტიური თვისებები,თეთრ ღვინოებში რადიოაქტიურობა მერყეობს 0,03-დან 0,1მიკროკიურამდე და წითლებში კი0,042-დან 0,6 მიკროკიურამდე.
  ღვინო ჯანმრთელი ადამიანისათვის წარმოადგენს საუკეთესო საშუალებას ავადმყოფობისაგან დასაცავად,ხოლო ავადმყოფთათვის კი საშუალებაა მათ დროულად განსაკურნავად.
        და მაინც საინტერესოა რამდენია ყოველდღიური მოხმარების ნორმა? მოკლედ,მთელი რიგი მეცნიერებისა და მკვლევარების აზრით 70-დან 75 კგ-მდე ადამიანისათვის ყოველდღიური მოხმარების ნორმა საშუალოდ განისაზღვრება 0,75 ლიტრით. ეს დოზა შეიძლება გაიზარდოს,ან შემცირდეს წლოვანების,საყოფაცხოვრებო პირობების,ჩვევების და ღვინის სიმაგრის მიხედვით.  ამასთან ღვინო მხოლოდ მაშინ არის სასარგებლო,თუ ის საღია,მიღებულია ყურძნის წვენის ალკოჰოლური დუღილის შედეგად,ყოველგვარი მინარევების გარეშე,რაც ნებადართული არ არის კანონით.
      (თეთრი სადესერტო ღვინო ძირითადად დიეტურია,ხოლო წითელი ღვინოები ტონუსური,ამასთან წითელი ღვინო დადებითად მოქმედებს კუჭის ეპიდემიური დაავადებების დროს.)