როცა სიკვდილი შემომამტვრევს სიცოცხლის ბორკილს
ზენა უვადოდ ხორცისაგან მათავისუფლებს.
წამსვე ძველ საკანს გავეცლები ქარივით ორპირს,
ანდა მუზებთან მწოლიარე რქებით მორკინალ
მღრინავ არსებათ გავუხილო თვალები ცალი.
დავტოვებ მგმინავ ქალიშვილის მკერდივით ქორფა
მითებს,ზმანებას გამჭვირვალე სახით.მოყინულ
ქალაქს,რომელიც სიცოცხლეში მადგია უბრად.
ხოლო ქუჩებში წყევლასავით იბორიალოს
ხანამ,რომელშიც გაისმება ,,ილია მოკლეს".