URAKPARAKI

ავტორი: გიგო
ჟანრი: პროზა
30 მარტი, 2011

მეასედ...

დილა მეასე.
არც, არაფერი ყოფილა საინტერესო ამ ას დღეში. ფიქრები გაიოლდა, შეეჩვია მოდერნიზებულ სამყაროს. არადა რა სათუთი იყო გრძნობები?! ღმერთმანი, დღეს ტექნიკურად ვფიქრობ... მიჭირს სიყვარული სათვალის გარეშე აღვიქვა, რატომ? მინუს ასი პროცენტი მითხრა ექიმმა. საბედნიეროდ მეორე თვალმა გაამართლა... მედიცინის მატერიალურ-ტექნიკური ბაზის წყალობით დამისვეს დიაგნოზი და დასკვნაში ჩაიწერა: მეასეჯერ ვიმეორებთ, სახიფათოა ცალი თვალის მქონე პაციენტი, რომელიც ოცდაექვს მაისს რესპუბლიკურ საავადმყოფოში შემოვიდა სასწრაფო დახმარების მედიკოსთა თანხმლებით. აქვს მკვეთრად გამოხატული ცალთვალმხედველობითი აპათია და აღიქვამს ყველაფერს, მხოლოდ ეროვნულს. საჭიროებს სასწრაფო რეაბილიტაციას ახლომდებარე დაწესებულებებში.
კონსილიუმი.
რეაბილიტაცია -
დეპრესია -
ქარიზმა...
მყვირალა მთები მხრებად მადევს, დაძარღვულ ფეხებს სიმძიმე ტანჯავს, ჩემს ნაკლულ სხეულს ჰაერს აწვდიან... თითებში შეჰყავთ გემო-დეზ-ინფორმაცია. ენას მიკორტნის ყვანჩალა, გულს მოდებია ნადავლი, ნაავდარალი... დამყოლ სისხლს ფერი ეცვლება, განავალს ჩიჩქნის ლაბორანტი... ექიმს აწვდიან შედეგს - უკმაყოფილოდ დასცქერის ქაღალდს.
კონსილიუმი - ისინი ფიქრობენ... იქნებ რეაბილიტაცია?! მაგრამ სად?
დასკვნა:
სასწრაფო რეაბილიტაცია საერთაშორისო თანამეგობრობის ორგანოებში!
ორგანოს თანამშრომელთა იდენტურობა პაციენტთან უდავოა!
დეპ-რეპ-რესირებული მოქალაქეები... დამონებული მუხლები, ზოგი მშრომელი, ზოგი მთრობელი და სხვა სხვისი, რისი მთხოვნელ-მიმცემი...
ქარიზმატულ ლიდერად შერაცხეს, არადა მოგვევლინა დილერ-კილერად!
დალპა და გალღვა...
მლაშეა მიწა!
ღვარძლია-შუღლი...
კაცია, ვაცია!
ღმერთთან ცინიზმია...
ოვაცია!
მეასედ დამიძახეთ გიჟი!
ცალთვალა...
დაღამდა მეასედ...

30 მარტი 2011 წელი

გადმოწერეთ PDF ფორმატში

კომენტარები

ილუსტრაციები

რეცენზიები

32. არც კომენტარებს ვკითხულობ და არც რამეს ვიტყვი - უბრალოდ მაგარი ხარ...
მოგიკითხე...
:)

ქრისტი. 2011-05-06 21:19:23

31. საოცრად კარგი აზროვნება გაქვს. შენი წერის სტილი. თუმცა ახალი არც არაფერი მითქვია :) მოკლედ ჩემი მოწონება შენ!

ნუცი. 2011-04-11 18:06:15

30. ყველა ექიმი კომუნისტი როგორ იყო შე კაცო?! :) :) :) ეს, რა თქმა უნდა, ხუმრობით
კარგი ხარ გიგო, მომწონს შენი ნაწერები!
წარმატებები ძმა!
ისე წამით შემშურდა შენი, დიდი სიამოვნებით ჩავისუნთქავდი ეხლა მთელი ძალით ზღვის ჰაერს... მშობლიური ქალაქის სიახლოვეს მაგრძნობინებდა :(

თენგო85. 2011-04-10 00:10:50

29. მეასედ და მეათასედაც ვიტყვი რომ ძლიერი და საინტერესო პროზაიკოსი ხარ განსხვავებული სტილით და ხელწერით და განსაკუთრებული გამოხატვის ფორმით. მოკლედ და ლაკონურად შეგიძლია ერთ ფრაზაში მოაქციო ქვეყნის სათქმელი და ამ ყველაფერს თან ემოციის განსაკუთრებული შეგრძნებაც დაურთო. ეს უდაოდ ნიჭია. საოცარი ნიჭი, გიგო! :)

მაკა კოლხი. 2011-04-09 19:43:01

28. ძალიან ძლიერი სატირა–ალეგორიაა აქ ტრაგიზმთან ერთად!

ჯინა. 2011-04-09 15:17:24

27. ძალიან მომეწონა. შიგ გულში მოხვდება მიმხვედრს...

imedi. 2011-04-08 21:37:00

26. ალეგორიულ-მელოდიური პროზა!
როგორც ყოველთვის საინტერესო ხარ!
555

ია-ია. 2011-04-08 20:15:02

25. ძალიან საინტერესოდ აზროვნედ...... შემზარავი რეალობა ფილოსოფიურ-სახეობრივ პრიზმაში......ორიგინალური ხედვა..... ძალიან მომწონს.....:)

მათე. 2011-04-08 18:26:12

24. უკუღმართი დროისა და ვითარების მსხვერპლი ადამიანის ტრაგიკული პორტრეტი, დიდი ოსტატობით დახატული!
გაიხარე, გიგო, გიქებ ნიჭსა და კალამს!

შატილიონი. 2011-04-07 09:28:53

23. გიგო, უძლიერესი ხარ შენს საქმეში . ძმაკაც !

ჯუბა ხაინდრავა. 2011-04-06 23:17:22

22. ნაწერიი, იდეებიც ასეთი უნდაა..
გენაცვალეე გიგოო ! ..
მომენატრა მე ასეთი კარგი რაღაცეები და გავიხარეე :-*
თბილიი მოკიითხვა აქქ ..
5

ლიკა ჯანყარაშვილი. 2011-04-06 23:13:31

21. მაგარი ნაწერია. მომწონს აქაურობა, როგორც ყოველთვის )) 5

ლევან მაისურაძე. 2011-04-06 00:01:05

20. ძალიან მომწონს თქვენი ნაწერები !

ძალიან !

ნატალიიი. 2011-04-05 20:49:43

19. მეასედ, მეათასედ და უსასრულოდ არ მომბეზრდება კითხვა. ძალიან კარგი მოთხრობაა. განსხვავებული ხელწერა გაქვთ.. სპეციფიური და რაც მთავარია აზრიანი. ერთ ერთი რჩეული ავტორი ხართ.

+ 5 :)

მე-დეა. 2011-04-05 19:47:31

18. ეს არის შედევრი! ასეთ ფილოსოფიურ ნაწერს წაკითხვა კი არა სწავლა უნდა! გონების კონცენტრაციაა საჭირო, რომ ჩასწვდე იმ აზრებს რაც ნაწარმოებშია ჩადებული, რათა შენი სულიერი , ინტელექტუალური, მოთხოვნა დააკმაყოფილო!
წაკითხვის შემდეგ , მიღებული განწყობა , დიდხანს მიმყვება და სხვა თემაზე ფიქრის საშუალებას არ მაძლევს,!

მუხა. 2011-04-03 22:53:16

17. საინტერესო ნაწერია, მძიმე... დამბურძგლა, რომ წავიკითხე.

55555555555555555555555555

ოთარ რურუა. 2011-04-03 21:25:26

16. არ მომეწონა, არაფერი ყოფილა საინტერესო ჩემთვის

გრაფ პაციენტი. 2011-04-03 18:09:16

15. სუნთქვაშეკრული ვკითხულობდი,
მიჭირს კომენტარის გაკეთება.
მეათასედ გეტყვი-ვივსები და ვფიქრობ ამ გვერდზე."შენები"-ჩემს ნაკლულ სხეულს ჰაერს აწვდიან
ჩემო ქართველოოო!!!!!!!

მედეა მოლოდინი. 2011-04-02 16:06:24

14. ქედს ვიხრი ნიჭის წინაშე!!!

პეტრე. 2011-04-01 23:31:18

13. გენიოსი ხარ ძმაო! გაიხარე;) +++++

დავით მოსეშვილი. 2011-04-01 05:11:08

12. ძალიან კარგადაა გადმოცემული აზრი
55

ლურსმანი. 2011-03-31 22:47:14

11. მიჭირს სიყვარული სათვალის გარეშე აღვიქვა! ---

კრიზისის ფრაზაა, ეპოქის მთელი ტრაგიზმის დამტევი!
იცის გიგომ ასეთი არაორდინალური და ზუსტი აქცენტების მორტყმა ერთი სიტყვით, ერთი ფრაზით!
აი, რა არის მწერლობა!

მყვირალა მთები მხრებად მადევს... ----

ესეც არანაკლებია!

და სხვებიც!

და მთლიანობაშიც, საერთოდ!

ერთი სიტყვით - 55555-ები და კაი გულიანი მოკითხავ თავისი კეთილშობილი ჯალაბობიანად!

ილტოსპირელი.... 2011-03-31 21:45:04

10. როგორც ყოველთვის, ძალიან სასიანმოვნო და საინტერესო

ლევან დევაძე. 2011-03-31 21:13:35

9. გიგო....
მომწონს და მეტიც, მიყვარს ეს ნაწერი....

საერთოდ, ამ ავტორის სპეციფიური სტილი მიყვარს და ძალიან დიდი ინტერესით ველი ყოველ შემდგომს!

გისალმე და გაიხარე შენა! :) :D

ნათია პაპიძე. 2011-03-31 19:45:15

8. ძალინ საინტერესოა,როგორც სულ.
555

დრო მოვიდა. 2011-03-31 19:40:42

7. კითხვას,რომ მოვრჩი მერე მივხვდი,რომ სუნთქვა შეკავებული მქონდა ... თითქოს პირზე ამაფარეს ხელი და მერე ერთბაშად გამიშვეს - ისე ამოვისუნთქე და უცებ ჩემი თავის გამიკვირდა ...
სხვანაირი შეგრძნებებით გავდივარ აქედან მერე ისევ მოვდივარ ....

თათა ჭრელაშვილი. 2011-03-31 17:19:02

6. მიყვარს ასეთი ნახევრად ასტრალში გაჭრილი ნაწერები... ეს შენი (იყოს შენობით, რა უჭირს...) პირველი ტექსტია,რომელიც წავიკითხე და იმედია ,,მეასეც” ასეთივე დადებით ემოციას აღმიძრავს :))))

ნათია როსტიაშვილი. 2011-03-31 15:44:25

5. საინტერესო ნაწერია, უდავოდ კარგი ავტორის. :)

ანანე კიკნაძე. 2011-03-31 01:03:18

4. გაიხარეოოოოო, - ასე გეუბნება თამარ ბუკია!
მართლა მომწონს, ყოჩაღ გიგო!
5

თამარ ბუკია. 2011-03-31 00:57:52

3. ჩემი ფავორიტი ხარ, ძიავ! :)
ძლიერი.. გამორჩეული...
*მზე*

კესანე. 2011-03-31 00:39:20

2. აზრი, აზრია მთავრი, აზრიიი!!!!
მე მგონი სწორად დავინახე აქ ეს ! :)
როგორც ერთი ნიჭიერი ადამიანი იტყოდა
გაიხარე შენა!!!

რედ მუნ. 2011-03-30 23:44:59

1. გენიალურობის შეგრძნება არ მტოვებს ხოლმე თქვენი ნაწერების კითხვისას

არაჩვეულებრივია. შთაბეჭდილებებით გავდივარ :)

mrs.smith. 2011-03-30 23:38:26