მე ვიხილე კენგურუ,
                                  რომლის უხილავი ჩანთა,
                                  სავსე იყო დედათა წესით,
                                  მის სიწითლეში მოჩანდა ნიმფათა კვდომა.
                                  მეწამულის სიღრმეში დამარხული
                                  კაენის ლანდი ამაოდ მთხოვდა,
                                  ძმმის მოკვლას და არარსებული ღმერთის
                                  მწარედ მოტყუებას.
                                 
                                  დალტონიკ ბილიკებზე,ედელვაისები ხტოდნენ,
                                  როგორც ბობ ბიმონები.
                                  დედამიწას კომეტა უტევდა,
                                  ჩვენ სიკვდილს ველოდებოდით და
                                  ვჭამდით აკრძალული ხის ნაყოფს.

                                  არცერთი ლეღვი არ გვაძლევდა ფოთოლს,
                                  რათა დაგვეფარა ურცხვი სიშიშვლე,
                                  რომლის მომავალი პორნოგრაფიაა.
                                  მულატი ჩიჩოლინა,ქვადრუნი ირონა სტალერი
                                  და კლეოპატრას მეორე მე
                                  გვემუქრებოდნენ მუდმივი ქალწულობით,
                                  მუდმივი ქალწულობა-აპოკალიპსი,
                                    ოღონდ უმხედრო....