***
ხელის მტევანზე, ძარღვიან გზას
მიუყვება ჩემი თვალები.
ნეტავ სად მიდიან?
სად ჩერდება უსწორმასწორო გზები.
როცა თვალებით სურათს ვიღებ და ვაწვდი ტვინს,
რათა დაბეჭდოს სურათები.
დანადგარები მუშაობას იწყებენ და ჩემი მითითებით
გამოაქვთ დასკვნა რომ,
ძარღვებზე მიმავალი ჩემი თვალები ეძებენ გზებს,
რათა იპოვონ სისხლის გადამამუშავებელი ქარხანა.


                            ***
თოკზე დავკიდე ჩემი სხეული,გასაშრობათ.
წუხელ საშინლად წვიმდა და დავსველდი.
სტვენა სტვენით ჩავუყევი გზას,
როცა შუქნიშანს შევხედე შევჩერდი,
მოვიხსენი დედამიწა და დავკიდე ჰაერზე,
შემდეგ კი გადავედი მარადისობის გამყოფ თეთრ ზოლზე.