დე, სხვამ უმღეროს ნაღვლიანად
წარსულ სიყვარულს,
სხვამ დაინანოს,
რომ მიუვალს ემონა თვალი.
მიმქრალ ვარსკვლავთა
იდუმალი ახმიანება
სიტყვა ეგონოს,
საყვარლისა შემონათვალი!
ამივსე თასი!
დაილიოს წვეთი ბოლომდე.
მოედოს ზეცას
აღტაცება და სიკისკასე!

არ მენაღვლება,
არ რა იყო,
ან რა იქნება,
მე შენ მიყვარხარ
აქ და ახლა,
ასეთი,
ასე!



განმარტება:
  ეს ჩემთვის არის ალტერნატივა საკუთარი შემოქმედებითი პრინციპებისა.
      ლექსი  მთლიანად აგებული ქართულ სუფრულსა და სასიმღერო ლირიკაში გავრცელებული კლიშეებით,რომელთა ცვლაც დაუსრულებლად შეიძლება.
      გამონაკლისს წარმოადგენს  ხუთმარცვლიანი,ჰიპერდაქტილური ,თითქმის მაჯამური რითმა ....ს ემონათვალი/ შემონათვალი  და ასევე ,ფინალური რითმა :სიკისკასე/ასეთი ასე, სადაც პირველი სიტყვა საყურადღებოა თავისი სიმკვეთრით, გაუცვეთელობით, კონტექსტისათვის მოულოდნელობით.მეორე კი  ჰაიდეგერის დროის თეორიისა და მ.ბახტინის ქრონოტოპის (აქ და ახლა).განვრცობა-გაპოეტურების ცდაა.