ისევ ვმეორდებით, ისევ ვიხარჯებით,
თუმცა ტყუილად ვანგრევთ ოცნებებს.
ყველა საკუთარ თავში იღვიძებს
როცა სიტყვებით ვუყურებთ ერთმანეთს.

ისევ ვიხარჯებით, თუმცა ტყუილად,
მაინც არ გვისმენს თურმე არავინ.
არავის სჯერა მოგონებების
და სულერთია ყველა თავისთვის.

სადამდე გასტანს ლოდინი, ფიქრები,
ისედაც ყელამდე ტალახში ვიხრჩობით.
ისევ ვმეორდებით და ისევ ვიღლებით,
თუმცა აქ ისევ ოცნებებს ვერევით.