შენ რა იცი


მოგონებამ დამიმონა იარებით,
შემომაწვა მთის ქარივით გულში სიო,
დაუბერა გრძნობას ფიქრმა იალქნებით,
მე კი მითხრეს სიყვარული არ იციო.

აი ნახე! დღეს ეს გული როგორ ფეთქავს,
თურმე დარდი შენზე მეტად შემძლებია,
შენ რა იცი ძარღვებს სისხლი რაზედ ხეთქავს,
ეგ თვალები ჯერ პატარა მერცხლებია.

სხეულს ვეღარ მეხებიან სამიჯნუროდ,
გამთენიას მომიგზავნეს დილის სიო,
გრძნობა ცისკენ მიმაქანებს იალქნებით,
        მე კი მითხრეს სიყვარული არ იციო