ჩემი და შენი ერთმანეთზე ნაწყენი ნეკი,
რომელთაც ხშირად შერიგების ვერ ვაძლევთ ფორმას,
უკმარისობა ახლოვდება ფილტვებთან,მე კი
ისიც არ ვიცი,როგორ უნდა გავიყოთ ორმა
საერთო ცა და დარჩი-მეთქი, რომ გითხრა, ვიცი,
გაგრძელებისთვის არ დაგვრჩება  საჭირო ძალა,
რადგან აქამდე წლები იყო უხმო და ცივი,
ანდა საერთოდ, მათზე რამის ხსენებას  ვკრძალავ.
თვალებში ჩამჯდარ ტკივილს ვეღარ უნახე ძირი,
შენ არ ხარ ცუდად, დამიჯერე, შენ არ ხარ კარგად,
უბრალოდ ასე, არაფრისთვის, უცრემლოდ ტირი,
და  ჩემთან ერთად გაურკვეველ ხასიათს კარგავ.



04.05.2011