სიტყვები, რომლებიც აქ წერია, ვერ გამოხატავენ სათქმელს.
სათქმელი ერთია  -  დუმილი.
საჭიროა ახალი სიტყვა ამ დუმილის სათქმელად
და ეს სიტყვა არის თანხმოვანებისა და ხმოვნების გარეშე.
მას ვერ ვხედავთ და ვერც ვეხებით.
ის ყველგანაა სიმსუბუქით განფენილი.
ის ყველგანაა მაშინაც კი როცა ჯღაბნიან და არ ტოვებენ თითქოს ადგილს ახლის დაწყების,
ადგილს, რომელშიც განახლდება წერის სურვილი
და ეს ნაწერი იქნება საცალფეხო ბილიკი გაკვალული თვით ამ ადგილში,
სადაც
ხმაურობენ წვეთები
დუმილის ოკეანეში,
ხმაურობენ დროებით,
მარადიული სისველის წინაშე.