ცივად გაიტრუნა ჩემში ფრაზები და
ლექსად დაწერილი სიტყვა, ორიოდე...
ამათ გარდა, სხვა ხომ ყველა დანარჩენი,
შენით დაწყებული, თვითონ მოვიგონე.
მთელი სინამდვილეც წიგნში მოვაქციე,
მერე წიგნი ერთ დღეს უცებ დავხურე და
თურმე, ყველაფერი, როცა შორით მოსჩანს,
უფრო ლამაზია სხვისთვის საყურებლად.
ვიცი, ფანტაზიის ალბათ ნატეხი ვარ,
გულის ყველა გზით რომ შენსკენ მოვდიოდი,
შენ კი - რეალობას თითქოს ასხლეტილი
ჩემი სიყვარულის შორი ჰორიზონტი...

17.05.2011