URAKPARAKI

ავტორი: ლელა ცუცქირიძე
ჟანრი: პოეზია
13 ივნისი, 2011

უკან

აბა, ვინ გითხრა, რომ თარსი ხარ?
დიდი ამბავი, თუ შენი თმა ჟღალად ანთია.
სამაგიეროდ, შენი ქალაქის რუხ ფერებში ისე ბრიალებს,
თითქოს მიწაზე კალენდულები დაეპნათ ბავშვებს.

დიდი ამბავი,
თუ მეზობელი სადარბაზოში,
შენს დანახვაზე სამჯერ აფურთხებს
და ბინიდან გამოსული უკან ბრუნდება.
დიდი ამბავი,
შენს დანახვაზე სადღაც თუ გარბის შავი კატა,
რომელსაც თარსად არასდროს თვლიდი
და ყველასგან ათვალწუნებულს,
შინაგანად თანაუგრძნობდი.
დიდი ამბავი,
თუ შენს გზაზე არავინ დადის,
თუმცა გინდა, ხანდახან მაინც,
გამარჯობა რომ გითხრას ვინმემ
(მოწყენამდე საშინელია ცარიელი გზა).

ჰოდა, გთავაზობ:
აიღე მხოლოდ აქეთა გზის ერთი ბილეთი,
ჩამოდი ჩემთან.
გზა ერთი გოჯის დადებაა გაშლილ რუკაზე.
აქ სიხარულით შეგხვდებიან,
ჟღალი ფერი არავის უკვირს:
აივნებზე და ღობეებზე ჟღალ ფარდაგებს ამზეურებენ,
თანაც ახლა, ფერდობებს თრიმლის კონები ეწვის -
შემოდგომის ჭიაკოკონა.

ან რა თარსი, ან რა ავთვალი...
წარმოიდგინე:
ვთქვათ, ისედაც ლოყაწითელ ბავშვს, ბატონები მოუბრძანდა,
მიგიყვანენ წითელი კაბით,
იმ იავნანას გამღერებენ, ბავშვობის მერე რომ არ გსმენია
და შენს ხმაში დედის ბგერა ისე გაკრთება,
თითქოს ყელიდან - გალიიდან, ჩიტბატონები გაუშვი ცისკენ.
იტყვიან მერე, იჩურჩულებენ:
”ეს რა კარგი თარსი ყოფილა, რა კარგი”...
უთენია კი, კუსკუსა და მართლა მორწმუნე ბებიაჩემი,
წაყოფს ფეხებს წითელსარჩულიან, შავ კალოშებში,
შავ თავსაფარს მიმჭკნარ ნიკაპქვეშ გამოინასკვავს,
შავ ქოლგას გაშლის,
ხელს ჩაგკიდებს და წითელჭინჭშებმულ მამალივით,
მთაზე მდგარი სალოცავისკენ წაგაცუხცუხებს.
არ შეგეშინდეს, არ შეგწირავენ.
მწვანე მინდორზე გაგიშვებენ.

იქ შეგიძლია, ეგ ჟღალი თმა გაიშალო და ცას ახედო:
შენიდან ცამდე, მამლის ერთი ფრთაგაშლაა,
მზის ამოსვლამდე - მამლის ერთი დაყივლებაა
და ჰაერი - ისე გამჭვირვალე, იმასაც ხედავ,
რაც იყო და აღარ იყო რა:
აქაურობა, როგორც ბებოსთან,
ბავშვობაში გაგზავნილი ღია ბარათი.
მოვა მერე ვინმე, ვინც ხედავს,
როგორ ანთიხარ მწვანე მინდორზე მზის ათინათად
(თითქოს მიწაზე კალენდულები დაეპნათ ბავშვებს),
სამჯერ პირჯვარს გადაიწერს და ჩუმად გეტყვის:
ეს რა მზესავით ანათებ, გოგო...

გადმოწერეთ PDF ფორმატში

კომენტარები

ილუსტრაციები

რეცენზიები

58. რა გულწრფელია :*:*:*

ზიგ-ზაგ. 2012-03-20 01:13:09

57. ბრავო :)

ჯელო. 2011-07-25 13:31:09

56. წამიკითხავს და დამიწერია კიდეც ხოდა კიდე წავიკითხე და კიდევ ვიტყვი რომ ძალიან მომეწონა (:

ანი მატისი. 2011-07-19 20:22:25

55. rogor maxsovs es leqsi fb-idan, xom swored maxsovs/-ara, ra damaviwyebda mzesavit anaaTebs!...:)

კესო. 2011-07-13 07:19:48

54. თავფურცელს ჩავუჯექი დრეს...

არც ამ ლექსზე გადავრეულვარ თუმცა ამ გაუგებრობაში ყველაზე კარგი მაინც ესაა : )

ლეონარდ სავიჩევიჩი. 2011-07-12 20:55:58

53. აქაურობა, როგორც ბებოსთან,
ბავშვობაში გაგზავნილი ღია ბარათ

imedi. 2011-07-12 17:45:27

52. ძალიან მომეწონა რითმაც და აზრიც უმარლესი შეფასება 5+

იროდიჩი. 2011-07-11 14:30:41

51. კიდევ ერთხელ, დიდი მადლობა...

ლელა ცუცქირიძე. 2011-07-10 23:04:11

50. ეს ვნახე, მაგარია. 5

გივი ჩიღვინაძე. 2011-07-10 21:34:11

49. ლექსის მოტივი ძალიან ბუნდოვანი ჩემთვის და სხვა მხრივ, ერთი უბრალო ლექსი, რომელიც წაკითხვად ღირს :)

ულრიკე მაინჰოფი. 2011-07-10 20:04:10

48. ჩემი ლექსი სულ სულ პირველია :) მოვედი დავტკბი ისევ :-*

ანემონე. 2011-07-09 17:05:26

47. ეს რა მზესავით ანათებ, გოგო...
:-*

ია-ია. 2011-07-09 14:27:30

46. როგორ ველოდი თავფურცელს?! :) და რა მიხარია, რომ ღირსეულმა ლექსმა და ავტორმა დაიკავა პირველი ადგილი! :-*
55555!

ია-ია. 2011-07-09 14:26:56

45. ძალიან თბილია///.... :*

გეგა ოდიშელი. 2011-07-09 13:37:00

44. ლამაზია ძალიან......:)

მათე. 2011-07-04 13:05:24

43. უი, აქ გამომრჩენია ეს ლექსი, იქეთ კი ვნახე და ძალიან მომეწონა :)
აქაც მოგიკითხავ ... :-*

ნინო ქადაგიძე. 2011-07-03 20:36:07

42. ყველას დიდი მადლობა, პირველ რიგში, თანაგრძნობისთვის.
და კეთილგანწყობისთვისაც.

ლელა ცუცქირიძე. 2011-07-03 20:21:16

41. ეს ლექსი მაშინ წავიკითხე,როცა ანემონეს აღფრთოვანებას წავაწყდი.. მეგონა დავაკომენტარე...

ჰოდა, გთავაზობ:
აიღე მხოლოდ აქეთა გზის ერთი ბილეთი,
ჩამოდი ჩემთან.

მელოდია ქარში. 2011-07-03 19:26:19

40. საოცრებაა ქალბატონო ლელა. ამ ლექსის გულისთვის შემოვედი, ამაბრიალა :)

ნეკერა. 2011-06-30 18:21:13

39. დიდი არაფერი :)

გიორგი გიორგობიანი. 2011-06-28 15:53:04

38. ..

ძალიან კარგია..

ნიკა ჩერქეზიშვილი. 2011-06-28 15:49:40

37.

"იმ იავნანას გამღერებენ, ბავშვობის მერე რომ არ გსმენია
და შენს ხმაში დედის ბგერა ისე გაკრთება,
თითქოს ყელიდან - გალიიდან, ჩიტბატონები გაუშვი ცისკენ.
იტყვიან მერე, იჩურჩულებენ:
”ეს რა კარგი თარსი ყოფილა, რა კარგი”..."

იმდენად შეკრული, ემოციური და თან ლამაზ კადრებად მოტანილი ლექსია, რომ სიტყვები არ მყოფნის...თითქოს ბგერა–ბგერა, სიტყვა–სიტყვით მივდევ ავტორს, რომ რაიმე უმშვენიერესი არ გამომრჩეს და არც ვტყუვდები – მშვენიერების გამონათება ფინალში...ხანდახან სილამაზის აღქმაც კი საშიშია, ამიტომაცაა ხანდახან ალისფერთმიანი, მზესავით გოგო თარსად მიჩნეული – ღვთიურია ასეთი მშვენიერება და უფრთხიან – ასე აღვიქვი მე...
ლექსის შესრულება უზადო!.. ხალხურობის სიმსუბუქე და მაღალმხატვრულობის აკადემიზმი სინთეზურადაა შერწყმული აქ!..

p.s. ავტორი (შესაძლოა ვცდები) მოულოდნელად შემოვიდა ლიტ. სივრცეში, მაგრამ ძალიან მალე მოახერხა საუთარი ნიშის დაკავება! მიხარია, ძალიან მიხარია და კიდევ ბევრ შემოქმედებით წინსვლას ვუსურვებ მთელი გულით!...

ჯინა. 2011-06-14 22:42:45

36. საოცარი ლექსია, მომწონს ძალიან.

მარ-მარი. 2011-06-14 22:36:17

35. +5

მარი სადღობელაშვილი. 2011-06-14 20:13:50

34. :)

ლელა ცუცქირიძე. 2011-06-14 10:02:10

33. ``არცერთი ნაბიჯი უკან!`` ;)

ოთარ რურუა. 2011-06-14 10:00:56

32. ნათია, დიდი მადლობა! :)
და მადლობა ყველას:) თამრიი...:)

ლელა ცუცქირიძე. 2011-06-14 09:50:19

31. დინამიური სიმშვიდე - აი, ასეთი მსუბუქი სილამაზე მხვდება ყოველთვის ამ გვერდზე.

ლელა, ძალიან მიყვარს თქვენი ნამუშევრები...ყველა...ყველა, რაც წამიკითხავს და მინახავს! :-*

ნათია პაპიძე. 2011-06-14 09:46:35

30. ++++ ლამაზია ძალიან,...:)

მანანა ქურდაძე. 2011-06-14 07:44:31

29. ულამაზესია+++++

დავით მოსეშვილი. 2011-06-14 04:50:29

28. როგორ ანთიხარ მწვანე მინდორზე მზის ათინათად
(თითქოს მიწაზე კალენდულები დაეპნათ ბავშვებს),
სამჯერ პირჯვარს გადაიწერს და ჩუმად გეტყვის:
ეს რა მზესავით ანათებ, გოგო...

უი, დედა, მეც ანეზე ვიფიქრე უცებ... და კომენტარებში ანეს ვეძებდი... :))))))
მიყვარხარ, ლელაუუუუუ!
5555555555555

თამარ ბუკია. 2011-06-14 03:02:38

27. დიდი მადლობა ყველას, ასეთი სითბოსთვის:)
ანემონე, შენ ისეთი კარგი ჟღალთმიანი ხარ, იადრესატე, გამიხარდება:)

ლელა ცუცქირიძე. 2011-06-13 23:47:23

26. მიყვარხარ, ლელა!

სოლე. 2011-06-13 21:29:11

25. საოცარი რამააა მართლაც.. :) მციოდა და გავთბი....

ბუბულიკა. 2011-06-13 17:08:57

24. იშვიათად რომ რაიმე ურითმო მომეწონოს :) ნამდვილად ძალიან თბილია და თან რაღაც ნათელი :) თითქოს ყველეფერს ხედავ რასაც ყვები :)

ფეცელა. 2011-06-13 16:13:20

23. მოვა მერე ვინმე, ვინც ხედავს,
როგორ ანთიხარ მწვანე მინდორზე მზის ათინათად
(თითქოს მიწაზე კალენდულები დაეპნათ ბავშვებს),
სამჯერ პირჯვარს გადაიწერს და ჩუმად გეტყვის:
ეს რა მზესავით ანათებ, გოგო...

უთბილესი სიტყვები..
ლელა, კარგი ხარ!

მედეა მოლოდინი. 2011-06-13 15:15:24

22. რათქმაუნდა გულისამაჩუყებლად კარგი...55555

თანდატან არწმუნებ მკითხველს...ჟღალთმიანის სიკეთეში...ფინალი კი პიკია მთლად...:-*

უთენია კი, კუსკუსა და მართლა მორწმუნე ბებიაჩემი,
წაყოფს ფეხებს წითელსარჩულიან, შავ კალოშებში,
შავ თავსაფარს მიმჭკნარ ნიკაპქვეშ გამოინასკვავს,
შავ ქოლგას გაშლის,
ხელს ჩაგკიდებს და წითელლენტშებმულ მამალივით,
მთაზე მდგარი სალოცავისკენ წაგაცუხცუხებს.
რა კარგად იცი...მშობლიურის "დაჭერაც"...:-*

ჭა. 2011-06-13 14:58:44

21. რა მაგარიიია,როგორ მომეწონა :)

სიძველი სუნი აქვთ შენს ლექსებს,ზოგადადაც, აქაც ვიგრძენი ლელა:)

ბავშვობაში სოფელში რომ ჩავდიოდი არდადეგებზე , დიდ ბებოს ხის სახლი ჰქონდა ცალკე, ეზოს უკან,არაფრით არ დაანგრევინა ბაბუას,აქ მინდა მოვკვდეო და მე ჯერ იმ ქოხში შევიდოდი, ყველაფერს შევეხებოდი, ეს ხის სახლი მენატრებოდა ყველაზე მეტად,ის სუნი,რომელიც დღემდე მახსოვს და არც არასრდოს დამავიწყდება....აი ის შეგრძნება მაქვს აქ რომ შემოვდივარ რომ რაღაც მშობლიურს და ნოსტალგიურს ვკითხულობ,ძალიან ჩემს...
ამან კი ყველა მოლოდინსაც გადააჭარმა, ამიტომაც გავხდი ასეთი მჭევრმეტყველი :D

ან რა თარსი, ან რა ავთვალი...
წარმოიდგინე:
ვთქვათ, ისედაც ლოყაწითელ ბავშვს, ბატონები მოუბრძანდა,
მიგიყვანენ წითელი კაბით,
იმ იავნანას გამღერებენ, ბავშვობის მერე რომ არ გსმენია
და შენს ხმაში დედის ბგერა ისე გაკრთება,
თითქოს ყელიდან - გალიიდან, ჩიტბატონები გაუშვი ცისკენ.
იტყვიან მერე, იჩურჩულებენ:
”ეს რა კარგი თარსი ყოფილა, რა კარგი”...
უთენია კი, კუსკუსა და მართლა მორწმუნე ბებიაჩემი,
წაყოფს ფეხებს წითელსარჩულიან, შავ კალოშებში,
შავ თავსაფარს მიმჭკნარ ნიკაპქვეშ გამოინასკვავს,
შავ ქოლგას გაშლის,
ხელს ჩაგკიდებს და წითელლენტშებმულ მამალივით,
მთაზე მდგარი სალოცავისკენ წაგაცუხცუხებს.
არ შეგეშინდეს, არ შეგწირავენ.
მწვანე მინდორზე გაგიშვებენ.................................................................. არაჩვეულებრივი ადგილი :)

ხოდა ეს ჟღალები ასე დაკნინება რომ იცოდნენ მეც მახსოვს,სულ დასამშვიდებელი ვიყავი მშობლებიდან :D
ბაბუამ სიმღერაც კი დამიწერა

``შავთვალა და ოდნავ რიჟა
შენმა ეშხმა გამაგიჟაო`` მეტი არ მახსოვს :| და ეს ჩემთვის იყოს იავნანაც და ვარდოვნანაც :D

და ლელააა,ამ ლექსს ადრესატი თუ არ ჰყავს, ვიადრესატებ მე რა :D

იქ შეგიძლია, ეგ ჟღალი თმა გაიშალო და ცას ახედო:
შენიდან ცამდე, მამლის ერთი ფრთაგაშლაა,
მზის ამოსვლამდე - მამლის ერთი დაყივლებაა
და ჰაერი - ისე გამჭვირვალე, იმასაც ხედავ,
რაც იყო და აღარ იყო რა:
აქაურობა, როგორც ბებოსთან,
ბავშვობაში გაგზავნილი ღია ბარათი.
მოვა მერე ვინმე, ვინც ხედავს,
როგორ ანთიხარ მწვანე მინდორზე მზის ათინათად
(თითქოს მიწაზე კალენდულები დაეპნათ ბავშვებს),
სამჯერ პირჯვარს გადაიწერს და ჩუმად გეტყვის:
ეს რა მზესავით ანათებ, გოგო...

ასე ლამაზად დანახვა უნდა ჟღალებს, აპა :D

ანემონე. 2011-06-13 14:45:20

20. მიყვარს ეს ავტორი, თუმცა ჟღალთმებას ამგვარი "დაკნინებ-გათარსება" არ მგონია ჭეშმარიტება :) ძალიან პოეტური ლექსია, სხვა სიმაღლეზე აყვანილი მარტივი სათქმელით და ამიტომ მომეწონა :)

დადუ. 2011-06-13 13:57:26

19. უნდა წავაკითხო ჩემს ჟღალთმიან ელენიკოს:), ტავის თმის ფერი ისედაც მოსწონს და ახლა სულ არფრთოვანდება. ყოფილი და ეხლაც ჟღალტა სახელით, დიდი მადლობა ასეთო კარგი ლექსისთვის.:)

ჰარირამა. 2011-06-13 13:33:46

18. უჰ, კარგი იყო ძალიან

ნია-კო. 2011-06-13 12:40:07

17. გაიხარე...
მაგარია:)

საერთოდ დიდი სისულელეა ადამიანებს თარსის რომ სჯერათ, ფეხის, ავთვალობის, თილისმების ,შავი კატის ჰოროსკობების და ა.შ. :D 21-საუკუნეა რა:D

ეს დიდი სირცხვილია!

ეს პირველ რიგში ღვთის ხატის, ადამიანის დიდი შეურაცხყოფაა, ამიტომაც ეშმაკი დიდი მონდომებით ცდილობს ჩაგვაგდოს ამ ცოდვაში.

ეს იმიტომ ხდება , რომ ეკლესიის,სულიერების რწმენის ნაკლებობაა ადამიანებში...

ზაზა-გაბეჩავა. 2011-06-13 12:25:59

16. "გზა ერთი გოჯის დადებაა გაშლილ რუკაზე"

"და შენს ხმაში დედის ბგერა ისე გაკრთება,
თითქოს ყელიდან - გალიიდან, ჩიტბატონები გაუშვი ცისკენ. "

"შენიდან ცამდე, მამლის ერთი ფრთაგაშლაა,
მზის ამოსვლამდე - მამლის ერთი დაყივლებაა
და ჰაერი - ისე გამჭვირვალე, იმასაც ხედავ,
რაც იყო და აღარ იყო რა"

ვახ რა კაი რამე იყო! :)

თაკა სელეპანიშვილი. 2011-06-13 12:22:17

15. კარგია, მომეწონა.

მეუდაბნოვე. 2011-06-13 12:11:36

14. შესანიშნავია

დაუნანებელი 5

ნ-ი-კ-ი. 2011-06-13 11:47:13

13. სად ეპატიჟები საკნდინავიის მხარეს??:D

კარგი იყო

დავით ჯიმშიაშვილი. 2011-06-13 11:46:07

12. დღეს 13–ია :)

ვგიჟდები წითურებზე :)

გულის პრანჭვა. 2011-06-13 11:42:27

11. რობი, ჟადენ, დიმიტრი, დიდი მადლობა:)
დიმიტრი, შენ ისედაც მაგარი ხარ:)

ლელა ცუცქირიძე. 2011-06-13 11:33:07

10. ირმა სანიკიძევ, მოდი მალე, წაიკითხე ეს ლექსი.

იქ შეგიძლია, ეგ ჟღალი თმა გაიშალო და ცას ახედო:
შენიდან ცამდე, მამლის ერთი ფრთაგაშლაა,
მზის ამოსვლამდე - მამლის ერთი დაყივლებაა
და ჰაერი - ისე გამჭვირვალე, იმასაც ხედავ,
რაც იყო და აღარ იყო რა:
აქაურობა, როგორც ბებოსთან,
ბავშვობაში გაგზავნილი ღია ბარათი.

jaden. 2011-06-13 11:24:20

9. ლიტ.გე ზე ვნახე და მეც ვიცანი ავტორი. :დ

ანუ მეც მაგარი ვარ :)

"არ შეგეშინდეს, არ შეგწირავენ.
მწვანე მინდორზე გაგიშვებენ"

დიმიტრი ბახუტაშვილი. 2011-06-13 11:07:27

8. მირაკრაკებს სიტყვა.......

რანაირად მყუსე თან და როგორი მზიანი.....

დილის მადლი შეგეწიოს შენ!

რობერტ მესხი. 2011-06-13 11:07:02

7. ... და გმადლობ, ჟადენ:)

ლელა ცუცქირიძე. 2011-06-13 11:00:22

6. გმადლობ, ანი:)

ლელა ცუცქირიძე. 2011-06-13 10:59:41

5. შესანიშნავი!

”ეს რა კარგი თარსი ყოფილა, რა კარგი”...

სამჯერ პირჯვარს გადაიწერს და ჩუმად გეტყვის:
ეს რა მზესავით ანათებ, გოგო...

ძალიან, ძალიან, ძალიან დახვეწილი და ძალიან....

jaden. 2011-06-13 10:59:33

4. რამდენი ხანია ამ გვერდზე არ შემოვსულვარ...მომეწონა ძალიან...:)

ანი მატისი. 2011-06-13 10:58:49

3. ხათო, მადლობა:)
რენუარ, მაგარი ხარ, აბა რა?:) მადლობა, ნინ:)

ლელა ცუცქირიძე. 2011-06-13 10:52:36

2. შენ ხომ ხარ...მაგრამ მეც რა მაგარი ვარ:))) ეგრევე გიცანი გუშინ:)

რენუარი. 2011-06-13 10:51:22

1. რა ლამაზად წერ, ლელი! ულამაზესი კადრებია, ბავშვობაში დამაბრუნა! ძალიან მომეწონა შენი ჟღალთმიანი, ძალიან!!! იხარე!!! +5

ხათუნა777. 2011-06-13 10:50:13