ხალხი... ჯობია განაპირება,
ცალკე შეგრძნება მწუხრის პალიტრის...
დრო-მხატვარი კი,  დანაპირები
ილუსტრაციის მუღამს არ იტყვის:

მობეზრებული რითმების დახლთან
ვარჩევთ საქონელს სნობურს და ძვირფასს...
სადღაც კი, ღარიბ პოეტის სახლთან
მუზა-მეკურტნე ძველ ყუთებს ტვირთავს...

და პერსონალურ გამოფენაზე
დროის, ევროპულ ა-ლა-ფურშეტით,
მედიდური და მდიდრული ენა
სკდება, აირით სავსე ბუშტივით...