მაცალე, ცოტაც მაცალე,
ან დღეს მოვკვდები ან ხვალე,
მე პოეზიის სასმისი,
ნაზი გრძნობებით დავცალე.

ღამის მშფოთვარე მუზასთან...
ფიქრები ჩუმად გავცვალე,
ვარსკვლავნი ცას მოწყვეტილნი,
უსასრულობით დავთვალე.

ლექსი, ცრემლებით ვაკვნესე,
სალამურივით გავთალე.
ლოცვით სიკეთე დავთესე,
და ბოროტება წავშალე.

ჰიმნი ვიმღერე ქართული,
ქართული დროშა გავშალე,
მტერს დავანახე სიცოცხლე,
აზრზე მოსვლაც არ ვაცალე.

მაცალე ცოტაც მაცალე,
ან დღეს მოვკვდები ან ხვალე,
სულ ერთი წამიც მოიცა,
წუთისოფელო მაცალე!