როცა მამაკაცის ხელი ეხება ქალის ხელს, ორივენი ეხებიან გულს მარადიულობისა.
ჯიბრან ხალილ ჯიბრანი
(ყურადღება! ლექსი? დაწერილია სრულად ემოციების და სასვენი ნიშნების გარეშე, რადგანაც შენ არც ემოციები გჭირდება და მითურფრო შესვენება ;) ძალიან მინდა მიყვარდე! ეტაპს)
იცით
მთელი ცხოვრება მიყვარდება ადამიანები მაგრამ მეც არ ვიცი რატომ
მთელი ცხოვრების მანძილზე სულ გამოგონილ ადამიანებს ვხვდები
ისეთებად წარმოვისახავ როგორებიც მე მინდა რომ იყვნენ
ეხლაც მაგალითად
მიყვარს ერთი მდედრი
მიყვარს ?
არ ვიცი
ზოგადად უემოციო გავხდი რისიც ყოვეთვის მეშინოდა
მენატრება ემოციურობა, მინდა დენის მოსვლისგან მიღებული სიხარულის განცდა კიდევ განმეორდეს
მინდა სოფელში გრძელი „მიატნი“ კამფეტისაგან მიღებული სიხარული
ჩახუტების სიხარული
ვნების სიხარული
სად გაქრა ნეტა სიხარული
მოკლედ
მინდა რომ მიყვარდეს მდედრი №
მაგრამ მეშინია
ზედმეტად კარგად მიცნობს
ძალიან ბევრს ფიქრობს ჩემზე
მისთვის ჩემთან ურთიერთობის საუკეთესო გამოსავალი საღად მოაზროვნე ადამიანის როლის თამაშია
მაგრამ მენატრება
ან მინდა რომ მენატრებოდეს
მიყვარს
ან მინდა რომ მიყვარდეს
მისი ყოველი მოქმედება
ბოლო ათწლეულია ყველაზე მსუბუქად მის მუხლებზე მედო თავი
ჩვენ დავდიოდით ბევრს
ჩვენ ვიცინოდით ბევრს
ჩვენ ტაძარში ვიყავით
ის ლოცულობდა
მე ვერ
                                                                                                                   
                                                              მარადიულია ოცნება
მინდა დავიღუპო შტორმის დროს




მინდა რომ მიზეზი მომცე
გთხოვ
მომეცი მიზეზი რომ
ცოტა ხანს არ დადგეს შტორმი...

რადგანაც ზუსტად ვიცი ჩემს გარეშე შეგეშინდება საკუთარი თავის