თუ მეტკინები, გამოვიღებ გულის დარაბებს
გაგანიავებ ისე ურცხვად როგორც მოშიშვლო,
ნებას დავირთავ როგორც მინდა ისე მოვიქცე
მაჯისთავებთან ამომწვარი დაღი მოვიშრო.
ასე უბრალოდ მე ჩემთვის და შენ კი უჩემოდ
გაგიკვირდება– სულთან რბენენ შავი ცხენები,
შეგიდედდება ჭრილში სისხლი როცა უეცრად
ჩემს მკლავებს წყდება მოვარდისფროდ მსხვილი ვენები...
თუ მეტკინები,ამოვაშრობ სხეულს ცრემლისგან,
რომ არ დამდინდეს ტკივილისგან მარილ–წვეთები,
გაგიკვირდება, ისე მჟრჟოლავს შენ რომ გიყურებ
ჩემი ბოდვების წაკითხვისთვის არ მემეტები..