საოცარი შენი თბილი სიტყვები,
დათოვლილი თმების სათნო ჭაღარა,
მომენატრა დედი შენი ღიმილი,
უშენობამ ჩემი გული დაღალა.


გამოხედვა შენი ნაზი თვალების,
დარიგება სიყვარულით დედური,
დედი შენი უდიდესი ამაგით,
არას ვნანობ, ჩემს ბედს არას ვემდური.

მოფერება სიყვარულით აღსავსე,
დედი შენი ცხოვრების აზრს მიმატებს,
დედის ლოცვა, დედის ნაზი ღიმილი,
მე ამ ქვეყნად, სიცოცხლის გზას მინათებს.

სული მიწუხს, დარდით გული მელევა,
გული ჩემი აღსავსეა ტკივილით,
მე ამ ქვეყნად, ერთი რამე მიშველის,
თუ მომარჩენს, მხოლოდ დედის ღიმილი.