ყველგან და არსად,
ანუ ადგილს არ აქვს ადგილი.
ყველგან და არსად ვიყავი და ისევ აქ ვდგავარ.
ყველგან და არსად დამეკარგა გულის წადილი.
ყველგან და არსად დაიმარხა თუკი რამ მწამდა.
ყველგან და არსად ჩაისახა სიცოცხლე გუშინ.
ყველგან და არსად მომახვედრეს ისარი გულში.
ყველგან და არსად არ იქნება ალბათ გვიანი,
ყველგან და არსად იბადება ადამიანი.
ყველგან და არსად ჩანს ღრუბელი მოწმენდილ ცაზე,
ყველგან და არსად იფანტება სიტყვებით ასე.