ადამიანის არჩევანი იმდენად თავისუფალია,რომ მას შეუძლია ,ქუჩაში ნაყიდ ხაჭაპურში აღმოჩენილ თმის სიგრძეს ყურადღება არ მიაქციოს,ამოიღოს,გადააგდოს და გაიფიქროს,რომ არ შემემჩნია,ხომ შევჭამდი გემრიელადო,ხოდა ვითომ ვერ შევამჩნიეო და გააგრძელოს ჭამა,ან  უბრალოდ თმიანი ხაჭაპური  მოისროლოს სანაგვეზე.
       
    დღეს მე ჩემი არსობის პური დამაკლდა ,წვიმის წყლით და  ჭიაგაჩენილი ხორბლის ფქვილით მოზელილი,მზის სხივებით გამომცხვარი.
  დღეს გელას და ლელას ქორწილში პური დააკლდათ,ათასი დროჟით და საფუარით გატენილი,პური გაძღომისა და მწვადის ქონიან წვენში ამოწობისა.
დღეს მე ყველაზე მშვიდად დავიძინებ,რადგან ადამიანისთვის ჯანსაღი ფიქრით დაღლილობის მერე ძილი ორმაგი სიამოვნებაა,ვიდრე ჭამა-სმით დაღლილობის შემდეგ კოშმრებადქცეული ღამე და უნიტაზზე დათენებული გარიჟრაჟი.
    ყველა დღე  ბოლოა იმდენად,რამდენადაც უკიდურესად შეიგრძნობ იმას,რაც არ გსიამოვნებს და რისი შეცვლაც არ შეგიძლია სხვაში.
  სხვა შენი გადმოსახედიდან,შენ სხვისი გადმოსახედიდან ,ათასი შეხედულება და საკუთარ თავში მტკიცედ დაჯერება,რომ შენ მართალი ხარ აზროვნების არეალს ზღუდავს.
თუმცა  სხვისი ჩამოყალიბებული თეორიების,მოსაზრებების,მიგნებების გაცნობას ,დათანხმებას და შინაარსობლივად გარჩევას ,მირჩევნია ერთი თავი ნიორი გავარჩიო.

    რა თქმა უნდა,იქნებ თქვენც გერჩივნათ ამის წაკითხვას,ფეხის თითებზე ფრჩხილები დაგეჭრათ.

  თვითგანვითარებისკენ მიმართული მიზნების განხორციელების  ყველაზე კარგი  საშუალება  გარემოზე და გარემოში არსებულ მოვლენებზე დაკვირვებაა და არა სხვის მიგნებებზე თანხმობის გამოცხადება .რაც წინ ვერ წაგიყვანს.
  (ჰოდა არც მე დამეთანხმოთ ამაში)

უბრალოებისგან გამოწვეული სიმშვიდე მინდა.