დღევანდელობა

ამ ცხოვრებაში
ყველამ იპოვა თავისი წილი დარდი,
სულიერთაგან
ცოტამ შეიგნო,
თუ რასაც ნიშნავს მრწამსი!
ჩვენში ღალატი გამეფებულა,
არ ვიცით მშობლის ფასიც,
გვიკვირს,
როდესაც ვინმე გვიკვდება
და არც გვაშფოთებს,
რაც გვჭირს:
უღმერთოდ ყოფნა,
ამორალობა,
უზნეო ჩაცმის სტილი,
უსიყვარულო გამოხედვა კი,
ბოლოს მოუღებს ღიმილს!
გამქრალა
სიკეთის ქმნის სურვილი,
ცხოვრება ხდება ცოდვა!
ჩვენ, ადამთ მოდგმა,
ვბღალავთ იმ ბილიკს,
უფალმა რომ გვიბოძა.
ამ ცხოვრებაში
ყველამ იპოვა თავისი წილი გრძნობა,
ვერას გაიგებთ ამ ცხოვრებისას,
თუკი, არ გიყვართ ყოფნა!