საქართველო ჩემი სულის ნეტარება,
ამოსუნთქვა საოცარი სიყვარული,
გულის სითბო და ცხოვრების დაფიქრება,
საქართველო ჩემი დიდი სიხარული.


საქართველო ვაზის ლერწში ჩაძირული,
მადლიანი დალოცვილი, მთა და მდელო,
ცა სიწმინდით, უფლის ლოცვით დაფარული,
ჩუმი ნატვრა და ოცნება საქართველო.



დათოვლილი მთები, ცამდე აზიდული,
საუკუნე  ისტორია  სასახელო,
სიყვარულის მოჩუხჩუხე ნაკადული,
სიამაყე ჩემი ტურფა საქართველო.



მისი ეშხით დედამიწა გარინდულა,
და ოცნებით, დაფარულა მთა და მდელო,
სიყვარულით ცაზე სხივი ანთებულა,
მზე გიმღერის სიხარულით საქართველო.