წამით მაიც მომისმინე,
წამით მაინც დაფიქრდი
ეგებ მართალი ვარ
და
ჩვენ ერთ ერთი ყველაზე მახინჯი კოსმიური არსებები ვართ
ღმერთი არ არსებობს
და ყველას და ყველაფერს დრო შეჭამს!
შიშია
იარაღი რითიც ჩვენ ვიმართებით....
ერთადერთი დადებითი რითიც შეიძლება ლოგიკური ახსნა ჰქონდეს ჩემს
დროებით არსებობას
ხარ შენ.
წამითაც დავივიწყებდი ყველაფერს
შიშს ბოლომდე მივცემდი ჩემი შეჭმის შესაძლებლობას
ღმერთს ვიწამებდი!
ოღონდ
კვლავ დამედო ყველაზე მსუბუქად შენს მუხლებზე თავი
კვლავ გვეთელა მწვერვალები
კვლავ გვეღო ბევრი ფოტო ფირიანი ფოტოაპარატით
კვლავ ამეყვანე ხელში ისე, რომ საერთოდ არ მეგრძნო შენი
ვნების
სიყვარულის
გულის
თრთოლვის
და
სინატიფის სიმძიმე!
და
დღეს როცა
ცა იმედგაცრუების ფერია
შენ კიდე ღიმილნარევი მზერით ელოდები sms ოღონდ არა ჩემგან...
მე მზად ვარ ყველა ბილბორდზე
ყველა კედელზე
ყველა ფურცელზე
ყველგან ერთი რამ დავწერო
მენატრები.