თვალებდახუჭულს მოგეჩვენა
ზურგსუკან ფრთები...
და ცად გაჰყევი ანგელოზებს
შენივე ნებით...
თუ საოცარი ეს სიცოცხლე წამებად გექცა,
გარდაცვალება წესია და კანონი ბრძნული...
და რაკი სრულად ეკუთვნოდი
ცასა და მიწას,
მიწამ სხეული მიიზიდა
და ზეცამ სული…
მაგ ნაზი ფრთებით –
დაამარცხე მიწა და სივრცე,
გადაურჩები, დამიჯერე ჭორებს
სუსხიანს!
რადგან სიკვდილით ეზიარე იმხელა
სიბრძნეს!
რომელიც დღემდე ვერცერთ
მოკვდავს ვერ აუხსნია!