gdzinavs?
(ციკლიდან უპასუხო მესიჯები ძილის საათებიდან:)


დღეს შენ მიამბე ბუდისტ ბერზე და მის შვილზე
მათ ცხენზე
მათ ცხოვრებაზე.
დღეს მე ვიყავი ბედნიერი მხოლოდ იმით
რომ ერთ პატარა დამპალ ოთახში შენთან ერთად ვიყავი მარტო და
ვისმენდი იდიოტურ ისტორიას
რომელშიც მხოლოდ ერთი რამ მომწონდა
შენს მიერ ნათქვამი სიტყვები:
ვნახოთ ვნახოთ...
ამ წუთას ღამეა და მხოლოდ სიჩუმეზე წევს ერთფეროვნება
შიშმა პოლიტიკოსობა გადაწყვიტა და ტყუილთან შეკრა კოალიცია მე კი
მე დღეს ბედნიერი ვარ
მხოლოდ იმის გამო რომ ჩემი პერანგი შენით არის გაჟღენთილი
შენი ფრჩხილები ჩემი ხორცით
ჩვენი გულები კი
<ვნახოთ, ვნახოთ?! >