რა გასაკვრია და ერთ დრესაცისე არმოჩნდა, რომ მეუღლის დაბადების დღეს ჯიბეგახვრეტილი შევხვდი და გადავწყვიტე საკუთარი "დანაშაული" ლექსის მიძღვნით გამომესწორებინა, რითიც მეუღლე წარმოიდგნეთ და ძალიან კმაყოფილი დარჩა. ერთი მათგანი ეპისტოლარული ხასიათის გახლდათ, ხოლო მეორე ჩემი ასეთი საჩუქრის მიძღვნის მიზეზის ახსნისა.
გადავწყვიტე ის, თქვენს სამსჯავროზეც გამომეტანა. ბევრი რომ არ გავაგრძელო, აი ისინიც:
---------------------------------------------------------------------------------------------------------------------
დაბადების დღის ლოცვა

უფალო ღმერთო, მეუფეო ყოვლისა სოფლისა,                                 
ხილულისა და უხილავისაო!
მადლობა სულის შთაბერვისთვის,
და არა მისი წარწყმედისთვისაო.
მადლობა მამაო ყოვლადმოწყალეო,
რათა კვლავ მაჩუქე წელი სიცოცხლისა,
და ღირს მყავ სიხარულად,
ესე ვითარცა ცხონების წყალობისა.
კვლავაც განმიგრძე მოწყალებანი შენი ჩემდა მიმართ,
ცოდვილსა, განმიგრძე ცხორებაჲ ჩემი სათნოებათა შინა,
სიყვარულს, სიმართლეს და სიმშივდეს,
დაუდევ საცხოვრისი სულად ჩემდა ბინა.
დალოცე ქმარი-შვილი ჩემთვის ხატისდარნი,
და მოგვეც ყველა სიკეთე რაც კი გემეტება მეტად,
ერთს გთხოვ მხოლოდ მამრავლე-მაჯანმრთელე,
და ცხოვრებაში სულს ნუ დამიტოვებ კენტად.
შემინდევ დღეთა ცოდვები და
განმიმტკიცე მე გზა ზედა ცხოვნებისა,
სვინიდისი ჩემი წმინდა ჰყავ რათა,
ვიცოცხლო მრავალჟამიერებისა.

შენ, უფალო, აკურთხე დასაბამი წელიწადისა ამის ჩემისანი
და ყოველნი დღენი ცხორებისა ლერწმისანი.

ამინ!!!                                                                                                                       
---------------------------------------------------------------------------------------------------

დაბადების დღეს გილოცავ,
გლოცავს გურია,კახეთი,
დღეს ამ ლექსს უნდა დამჯერდე,
ჯიბეს არა მაქვს მანეთი.

ჩვენი ცხოვრება არ არის,
ია-ვარდებით ფენილი,
თუმც დამიჯერე ბოლომდეც,
არა ვართ ბედით თელილნი.

იკას კაცობას მოგვასწრო,
უფალმა მადლი მისია,
ჩვენს ხატს დავუნთოთ სანთელი,
ის მუდამ ლოცვის ღირსია.

თუ აქანომდე გვივლია,
და გვიწევია ჭაპანი,
მერწმუნე კვლავ აფეთქდება,
ჩვენს ქუჩას იასამანი!