მე წაგიკითხავთ ლექსს
და აგახედებთ ცაში
მითხარით რა იგრძნობა
ჩემს შეწუხებულ ხმაში.
მინდა შევეშვა სიცილს
ცოდვებს ჭირდება გლოვა
მინდა რომ მუდამ ვწუხდე
სანამ გასვლის დრო მოვა.
მინდა ვიცხოვრო მშვიდად
გულს აღარ ვტკენდე უფალს
და ვასრულებდე მუდამ
რაც ათი მცნებით უთქვამს.
მსურს გადავშალო გული
ვღვრიდე უამრავ ცრემლებს
ტანჯვისგან ვიხსნა სული
და ვუთხრა რა გამღერებს.
ადრე იყავი ცუდი
დღესაც არ გქვია კარგი
გჯობდა მკვლელი და ქურდი
გულში არ გქონდა დარდი.
და მიემსგავსე პირუტყვს
გგონია იცი რამე
ვერ შეიცანი თავი
გერევა დგე და ღამე.
თავს არ უწოდებ უძლურს
ფიქრობ მე შევზლებ ამას
შენს სულს ვერ ხედავ ბინძურს
იწყებ ღორივით ჭამას.
ვინ გაქცევია სიკვდილს
ვერ მოშორდები მიწას
ვერ განიწმინდავ სინდისს
არ იცი გვერდით ვინ გყავს.
ისე ვერ დაწერ ლექსებს
თუ ვერ ალაგებ აზრებს
ნახავ ეს შენი სიბრძნე
რამდენი წელი გაძლებს.
იყავი სუფთა სულით
როცა გაწმინდავს კალოს
უნდა შეთხოვო გულით
და იმით შეგიწყალოს.
ის მუდამ მახეს გიგებს
ნუ შეიყვარებ ვერცხლს
შენ ვერ გაითბობ თითებს
თუ არ მიუშვერ ცეცხლს.
გახსოვდეს მუდამ კარგო
სიტყვაა მხოლოდ ერთი
ის არ დაგვტოვებს მარტო
მუდამ ჩვენთან არს ღმერთი.