* * *
ამ გულცივ და მზეწართმეულ
ადამიანებში
ყოველთვის მოიძებნება თუნდაც ორი
შენნაირი მეოცნებე ბავშვი, -
თუკი იპოვი!...

* * *
სამოთხის ვაშლი

არავის უყვარს თითის დაქნევა,
თან აკრძალულიც უფრო ტკბილია...
სანამ დაგინახავენ!


* * *

ჩაგჩერებია სავსე უბეში
მოუსვენარი, ანცი სიო,
თავქარიანი.
მზერა იგრძენი -
უკვე მეორე...
ნუთუ სიომაც აეჭვიანა?!



* * *

ლამაზი ქალივითაა ტანგამოყვანილი,
საკუთარ სხეულს უნდა
მოარგო და ისე ჩაწვდე
მგრძნობიარე სულის სიმებს;
მიეალერსო ნაზი თითებით
და თავადვე ისიამოვნო
დუეტში ამღერებული ჰანგებით!
სხვასაც ათხოვებ?..