ცხოვრება

საკუთარი თავის და
სხვების დარწმუნება, რომ
მართალი ხარ...

***
იქნებ არცაა ტრაგედია
დამშვიდობება ძველ ნიღბებთან,
თითქოს მობეზრებული
სათამაშოები მოისროლე და
ახალი იყიდე...
***
მორალისტი _ დოსტოევსკი,
ამორალისტი _ უელბეკი,
სიმართლე სადღაც შუაში.

***
ქართული სულის
ორი უკიდურესი გამოვლინება:
იოსებ ჯუღაშვილი _
გენიოსი დიქტატორი,
ტერენტი გრანელი _
საფლავებისა და ღამეების
მოზარე პოეტი...

...
ჩამოისვენა ნიავმა რტოზე,
თუ ბეღურას აკანკალებს
ყინვით გათოშილს...