ბანალურია: მოკვდე უბრალოდ
და გაემგზავრო - დატოვო ყველა.
სულს, ხორცი ისე გადაუმალო
რომ მას აგნებდეს მხოლოდ ზღვის ღელვა.

ბანალურია: უცეცხლო წვა და
ფერფლად გაბნევაც - ბანალურია...
სიკვდილი ასე ვინც განიცადა,
მიწაზე არცერთს არ გაუვლია!

სწორედ ესაა უბანალურო!
სწორედ ეს ნიშნავს გარდაცვალებას!
როცა შენ მკვდარიც დღესასწაულობ:
ხორციდან სულის გამობრძანებას:

ბრძოლით უღლელი გამოიწრთობა:
ბრძოლით უღლელის სიკვდილი მესმის;
მესმის სიკვდილი: ტრფობის პირწონად,
როცა დუელში, - დაგასწრებს: გესვრის...