ბოგანოთ შენ გვიქადაგე, დავადექთ სწორსა გზასაო,
წმინდაო, ყლორტი დაგვამყენ, მარად უჭკნობსა ვაზსაო,
ღმერთი გაგვაცან ერთარსი, მყოფი სახეში სამსაო,
გვიქადაგებდი: ,, უფრთხილდით, თქვენთა სულსა და თავსაო,
ღიაა კარი უფალთან, ადგილი არის ნავსაო,
უსაძირკვლოდა, ქვიშაზე, ნუ აღაშენებთ სახლსაო,
ქრისტესთვის უნდა ვემსგავსოთ, ფეხქვეშგათელილ ბზასაო.
ნუ ემგვანებით რწმენაში მქროლავსა, ანცსა ქარსაო,
იტვირთეთ ტვირთი ერთურთის და ნუ გამოდებთ კავსაო,
გვიქადაგებდი, ვით ქრისტე სამარიელსა ქალსაო,
სიცოცხლის წყალის სასმელად, შენ მიგვიყვანე წყალსაო.
გვაუწყე, ღმერთმა რომ შექმნა, მიწას ვხედავთ თუ ცასაო,
რაც ცოდვა ჩაგიდენიათ, შესცოდეთ მხოლოდ მასაო,
მალე მოვაო უფალი, დაიწყებს ხობალთ მკასაო,
თავთავსა ის შეინახავს, ცეცხლში გადაყრის ბზასაო.
ღმერთმა , იესომ თვის მადლით, შენ დაგაფუძნა მთასაო.
ნუღარ იქმნ იმის წინაშე აწი საქმესა ავსაო,
კაცი, ვინც უფალს არ უსმენს , უნაყოფო ლეღვს გავსაო,
ასეთი ღმერთს კი არ უყვარს, უშრეტი ცეცხლით წვავსაო.'"
შენი სიტყვა და საქმე ხომ, მთლად იესოსას ჰგავსაო.