***

მასკარადია ტაძარში თითქოს,
ღმერთი აქციეს აქ სათამაშოდ,
აქ პატიებას ყველა არ ითხოვს-
აქ თვითონ მღვდელიც ღმერთსა თამაშობს....

შეხვალ და ხედავ თეატრ-ტაძარში
მღვდელმთავარს ოქროს სამოსს აცმევენ
აქ მომსწრე ხდები უფლის გაძარცვის,
იმისაც- ჯვარზე როგორ აცვავენ

ქრისტეს მეასედ, თუ მეათასედ
დღეს ამის დათვლა არც ღირდეს იქნებ (!)
უფალო, ახლაც ვერ დაგაფასეს-
მღვდელი შენს ჯვარცმას კვერთხივით იქნევს...

შენი არა სწამთ, უფრო შურთ შენი,
დიდ ღიპიანს, თუ დიდ ჯიპებიანს,
ყველას აწუხებს ღმერთობის სენი
და ჯვარზე გაკრულს გეჯიბრებიან...

შენ კი უფალო, ნეტავ, სადა ხარ,-
რომ მოეფინო სინათლედ წყვდიადს.
ღმერთო, სადა ხარ?- ნუთუ ხატსა და
ეკლესიებში გამოგამწყვდიეს (?)...

..............................

მასკარადია ტაძარში დიდი,
ხალხს შეატოვა მღვდელმა გოლგოთა,
თვითონ კი სადღაც მანქანით მიდის,
მარტო კი არა,-
ვიღაც გოგოსთან....