გულში ძლიერ გამინათდა,
ნეტავ რათა?
სიყვარულმა გამიღიმა,
სულში დათბა.
მომეფერა, ამისრულდა
ვგონებ ნატვრა,
გრძნობა იმედს მოეჭიდა,
სხივი გაკრთა.
ბავშვობაშიც შემიგრძვნია,
ისე მახსოვს,
ჩემში უცხო ნეტარება
შემობრწყინდა,
ბევრს არ მოვთხოვ, ბედნიერი
მინდა ვიყო,
შემიყვარდა, და ვუყვარდე
ძლიერ მინდა.
ერთი კი მწამს, ამას გეტყვით,
გადაწყვეტით,
დამიჯერეთ, გული ამბობს,
მის თავს ვფიცავ,
ეს ცხოვრება ჩემს ნებაზე
იქნებოდეს,
მე ყველაფერს დავიწყებდი
სულ თავიდან.