გზა ღარიბია

გზა ღარიბია ავანსცენებით,
და ვიმეორებ როლებს თავიდან,
კრამიტებივით სახლებს ენები
გადმოუყრიათ სახურავიდან...

აღარ გამოჩდნენ ძველი ხედები,
სარკმელთან ისევ სცივა ბეღურას
და ცარიელი სახლის კედლები
საათებივით გაჩერებულან...

გარინდული ვარ ვით ჰერმან ჰესე,
მერე კი ფუნჯით, როგორც საადი
ვეხები კედლებს და ვქოქავ ლექსებს
ვით გაჩერებულ კედლის საათებს...

გზა ღარიბია ავანსცენებით,
და ვიმეორებ როლებს თავიდან,
კრამიტებივით სახლებს ენები
გადმოუყრიათ სახურავიდან...