დრო ყველა ტკივილს წაშლის,
რადგან დრო სწრაფად ბრუნავს,
დრო  არის  ჩვენი  გზა  ხსნის,
დრო ხომ ყველაფერს კურნავს.
ავადმყოფობას,  ტანჯვას,
უბედურებას,  გლოვას,
დრომ გამართლებაც იცის,
ვიცი  ამის  დროც  მოვა.
ბედნიერებაც  მოვა,
სულის სიწყნარეც მოვა,
კმარა,  უაზრო  სევდა,
კმარა, მუდმივი გლოვა.
დრომ ხომ წარეცხა უკვე,
ჩვენს რუსთაველზე სისხლი,
და  შვიდი  ნოემბერიც,
დრომ ჩაიბარა დიდხნით.
ამიტომ კმარა ცრემლი,
ბოლო მოვუღოთ გლოვას,
ბოლოს ჩვენც გაგვიმართლებს,
ბოლოსდაბოლოს დროა.