ნისლებს ხევ-ხევ ალაგებენ
ღრუბლებს იქით სამი მზეა,
ჰგვანან ციხე-ქალაქები
დავიწყებულ სამიზნეებს...

ჯავრი ჟონავს ამ გულიდან
თვიდან თვემდე, წლიდან წლამდე
აღარ მოსჩანს ქონგურიდან
კაცისა და თოფის ლანდი...

კლდეებს წვიმა დააქვთ პეშვით,
კოპალა სწუხს - აუუ, რობინ...
მიტოვებულ სამარხებში
მხოლოდ ძვლები ხმაურობენ.

ნისლებს ხევ-ხევ ალაგებენ
ღრუბლებს იქით სამი მზეა,
ჰგვანან ციხე-ქალაქები
დავიწყებულ სამიზნეებს...